“Дайны эрсдэлийн сан” нэрээр их хэмжээний мөнгийг гадаад улсад байрлах хуурамч дансанд шилжүүлж, мөнгө угаасан хэрэгт МИАТ-ийн экс удирдлагуудад Баянзүрх дүүргийн анхан шатны шүүхээс 10-14 жилийн ял оноосон билээ. Үүнийг МИАТ-ийн экс удирдлагууд эсэргүүцэж Нийслэлийн шүүхэд гомдол гаргасныг маргааш хэлэлцэхээр болжээ.
Баянзүрх дүүргийн анхан шатны шүүхээс МИАТ-ийн захирал асан Б.Эрдэнэбилэгт 14 жил нэг сар, Б.Бат-Эрдэнэд 12 жил нэг сар, Ц.Орхонд 11 жил, дэд захирлаар ажиллаж байсан Ч.Хоролсүрэнд 13 жил нэг сар, Ч.Хоролсүрэнгийн дүү, "Монголиан эйрлайнс" группын захирал асан Ч.Суурьтогтоход 10 жил нэг сар, 1997-2007 онд “Голомт” банкны зургадугаар салбарын захирлаар ажиллаж байсан Г.Саранчимэгт 11 жил нэг сарын хорих ял оноосон юм.