Бусадтай бүлэглэн их хэмжээний мөнгө угаасан байж болзошгүй хэрэгт холбогдон байцаагдаж байх үедээ мөрдөн байцаалтын явцад оргон зайлсан хэргээр эрэн сурвалжлагдаж байсан “Ноёд” группын захирал Г.Буяндоржийг өнөөдөр баривчилж, Цагдан хорих 461 дүгээр ангид саатуулжээ. Түүнийг өмнө нь орон даяар эрэн сурвалжилж байна гэх мэдээлэл гарч, төд удалгүй баривчиллаа гэсэн мэдээлэл гарсан ч цагдаагийн байгууллагаас үгүйсгэсэн. Мөн түүнтэй холбоотой хэрэг цагдаагийн байгууллагад байхгүй гэж ЦЕГ-ын Хэвлэл мэдээллийн төвөөс мэдэгдэж байсан ч өнөөдөр ийн баривчилжээ. Тэрчлэн өнөөдөр түүний эхнэр Т.Ариунаагийн унаж явсан машинаас эхлээд түүний гэх тодотголтой эд хөрөнгийг цагдаагийн байгууллагынхан хураан авсан тухай мэдээлэл цахим хэвлэлээр гараад байгаа билээ.