МАН-ын Шинэчлэлийн хорооны залуус өнөөдөр Ерөнхий сайд Н.Алтанхуягийг 14 хоногийн дотор сайн дураараа огцрох шаардлаа. Ийм шаардлага тавих болсон нь Ерөнхий сайд Н.Алтанхуяг Шинэчлэлийн Засгийн газрыг байгуулан ажилласан өнгөрсөн нэг жилийн хугацаанд улс орны эдийн засагч хүндэрч, аюулгүй байдалд сөрөг нөлөө үзүүлж, ард иргэдийн амьдрал доройтож байна гэв. Үүний хамгийн тод жишээ гэхэд нүүрсний салбар унаж, олон мянган хүн ажилгүй болж байна. Тэрчлэн гадаадын хөрөнгө оруулалт буурч, үүнийг дагаад валютын ханш өсч иргэдийн худалдан авах чадвар өдөр ирэх тусам буурч байна гэлээ. Мөн орон сууцны үнэ 10-20 хувиар өсч, оюутны сургалтын төлбөр нэмэгдсэн гээд иргэдийн нуруунд үүрэх ачаа улам их нэмэгдэж байгааг тэд онцолсон юм.  Энэ мэт олон шалтгаан Ерөнхий сайдыг суудлаа тавьж өгөх хангалттай шалтгаан гэж үзэж байгаа гэнэ.