Дэлхий дээрх хамгийн том буюу манай нарны аймаг дахь хоёр дахь том сөнөсөн галт уулыг эрдэмтэд олж тогтоолоо. Тэдний “Nature Geoscience” тэмдэглэлд бичсэнээр “Таму Массиф” гэж нэрлэгдээд байгаа энэ аварга галт уул нь 310,000 км кв талбайг эзлэх гэнэ. Нарны аймагт олдсон хамгийн том галт уул талбайгаараа “Olympus Mons”-тай бараг тэнцэхүйц гэнэ. Газар зүйн байршлын хувьд Японоос зүүн зүгт 1600 км зайд орших Шацүкигийн өндөрлөгийн доод талд. Одоогоос 145 гаруй жилийн өмнө үүссэн байх магадлалтай гэж үзэж байгаа энэ галт уулыг бага багаар идэгдсэн чулуулгууд лаав үүсгэсээр ийм байдалд хүрсэн гэнэ. Мөн уулын ёроол хэсэг нь төрөл бүрийн хэлбэртэй байгаа нь Цэрдийн үед үүссэн гэдгийг нотолж байгаа юм. Эрдэмтийн багийн тэргүүн Профессор Уиллиам Сагер энэхүү судалгааг 20 жилийн өмнө эхэлсэн ч тухайн үед хэмжилт хийх, судалгаа явуулах нөхцөл бүрдээгүйн улмаас хугацаа их алдсан. Гэхдээ нэлээн том гэдгийг нь гадарлаж байсан ч дэлхийн хамгийн идэвхитэй галт уул Мауна Лоагаас 60 дахин том чинээ зүүдэлж ч байсангүй талаараа “The Independent” цахим хуудсанд өгсөн ярилцлагадаа дурджээ.