"Гал үндэстэн" холбооныхон өнөө өглөө чуулган хуралдхад Төрийн ордны хажуу талд буун дуу гаргаж, улмаар төрийн ордон руу тэсрэх бөмбөгтэй нэвтрэхийг завдсан хэрэг гарсан. Түүнчлэн тус холбооныхон Байгаль орчин ногоон хөгжлийн яам болон "Централ таур"-т бөмбөг тавьсан хэмээн мэдүүлсэн юм. Үүний дагуу хууль хяналтынхан шуурхай ажиллан тус газруудын ажилтнуудыг байрнаас гаргасан юм. Харин хамгийн сүүлийн мэдээгээр Байгаль орчны яам хийгээд "Централ таур"-т байсан бөмбөгийг олоод байгаа гэнэ. Гэхдээ тус газруудын орчин тойронд тавих хяналтаа сулруулаагүй байгаа. Мөн хязгаарлалтыг өргөсгөн бэлэн байдал зарлаад байгаа юм.