УИХ-ын Эдийн засаг болон БОХХААБХ-ны хурлаар “Урт нэртэй хууль”-ийг дагаж мөрдөх журмын тухай хуулийн төслийг хэлэлцэж, хоёр намын бүлгээр ярилцаад ажлын хэсэг байгуулах санал гарсан юм. Ажлын хэсгийг УИХ-ын гишүүн Г.Баярсайханаар ахлуулах саналыг Эдийн засгийн байнгын хорооны дарга Б.Гарамгайбаатар гаргасан ч Г.Баярсайхан, “Би байнгын хорооны дарга болохоор ёс зүйн хувьд болохгүй. Тиймээс энэ ажлыг хэсгийг Д.Арвин гишүүнээр ахлуулах саналтай байна. Д.Арвин гишүүн ч өөрөө энэ тухай мэдэж байгаа. Та нар хүлээн зөвшөөрч байгаа биз дээ. Эх нь танай нам шүү дээ” гэж МАН-ынханд хандаж хэлэв. Харин хариуд нь УИХ-ын гишүүн Ж.Энхбаяр, “Эх нь танай нам гэчихжээ. Танай намын хүн шүү дээ. Гэхдээ энэ хүнийг танайх бүр ав” хэмээн хэлж байнгын хорооны хуралдаанд багагүй инээд бэлэглэв.