Замын цагдаагийн газар, Х.ТҮЦ продакшн, Майнд Вайд агентлагтай хамтран  “Хайртай хүмүүсийнхээ төлөө хамгаалах бүсээ бүслэ” арга хэмжээг зохион байгуулах гэж байна. Энэхүү арга хэмжээг зохион явуулах болсон шалтгаан нь Монгол Улсын Замын хөдөлгөөний Дүрмийн 2.1 мөн 4.1-дэх заалтуудыг жолооч нар биелүүлэхгүй байгаан улмаас гарч буй осол аваар буурахгүй байгаатай холбоотой гэнэ. Герман, Франц, АНУ, Япон, ОХУ зэрэг улсуудад хийсэн судалгаагаар ослын үед хамгаалах бүс хэрэглээгүй хүмүүсийн 86 хувь нь тархины доргилт авдаг бол хамгаалах бүс хэрэглэсэн үед дээрх тоо 21.6 хувь буурдаг байна. Мөн хамгаалах бүс хэрэглээгүй хүмүүсийн 32 хувь нь нуруу нугасны, 50-иас илүү хувь нь толгойн гэмтэл авдаг болохыг тогтоожээ. Тус арга хэмжээтэй холбогдуулан нийгэмд эерэг үр дагаврыг бүрдүүлэх, бага ч гэсэн мессежийг хүргэхийн тулд Х.ТҮЦ продакшн “Нэг өдрийн хаан” хошин шоу тоглолтоо 28-ны бямба гарагаас эхлэн үзэгчиддээ хүргэхээр болжээ.