АНУ-ын Өмнөд Каролина мужийн Гринвил хотод орших Харшил болон багтраа өвчин судлалын төвөөс найтаахтай холбоотой анагаах ухаанаар батлагдсан 5 сонирхолтой баримтыг дэлгэжээ.
1.    Хүний мэдрэлийн системд ямар нэг  байдлаар мэдээлэл очсоноос болж найтаах гэдэг үйл явц эхэлдэг. Тухайлбал, таны хамарт ямар нэг гадны зүйл орсон учраас гаргах шаардлагатай гэсэн тархинаас ирж буй дохионы улмаас найтааж болно.
2.    Найтаах нь хүний биеийн аюулгүй байдлыг хангаж байдаг. Нэг үгээр энэ нь дархлаа гэдэг зүйлтэй нарийн холбогдож байдаг. Хүн найтаахын өмнө хамарт үүссэн нянг гадагшлуулахын тулд бага тархины эс  нүд, хоолой, болон урууланд шуурхай мэдээлэл өгснөөр цээжний булчин чангарч гүнзгий амьсгаа татахад бэлтгэдэг. Ингээд ялгарсан шүлс хамранд орсон нянгийн хамт агаарт гарна.
3.    Хөмсөг зулгаах, нүүрний шар үс авах зэрэг үед найтаах үйл явц идэвхждэг.
4.    Эрчимтэй дасгал, хөдөлгөөн нь ам хамрын орчныг хатаадаг учраас хамар загатнаж найтааж эхлэдэг.
5.    Гурван хүн тутмын нэг нь нарны гэрлийн өөдөөс хармагцаа найтаадаг. Учир нь найтаах үйл явц нь гэрлэнд мэдрэг байдаг.  Ийм хүмүүсийг анагаах ухаанд “photic” буюу эртний Грек хэлний “гэрэл” үгээр тэмдэглэдэг гэнэ.