Эрүүл мэндийн сайд Н.Удвалын нэр болон фото зургийг ашиглан энэ сарын 4-5-ны өдрүүдэд www.twitter.com цахим хуудсанд @UdvalNacag гэх нэрээр хуурамч хаяг шинээр үүсгэжээ. Энэхүү цахим хаягаар дамжуулан Эрүүл мэндийн сайдын нэ­рийн өмнөөс цахим хуу­дас хэрэглэгчидтэй харил­цан бусдын нэр төрийг са­наатайгаар гутаан дором­жилж, эрүүл мэндийн болон бусад салбарын талаархи буруу ташаа тайлбар, ишлэлийг зориудаар олон нийтэд түгээж, иргэдийн хооронд үл ойлголцол үүсгэн, худлаа мэдээлэл тараах ажлыг зохион байгуулалттайгаар хийж байжээ. Үүнтэй холбогдуулан Эрүүл мэндийн сайдын ажлын албанаас Засгийн газрын гишүүн, Эрүүл мэндийн сайдын нэрийг барьж, худал, буруу ташаа мэдээ, мэдээллийг тараасан энэхүү этгээдийг олж холбогдох арга хэмжээг авч өгөх хүсэлтийг Тагнуулын ерөнхий газар, Эрүүгийн цагдаагийн газар, Харилцаа холбооны зохицуулах газарт тус тус хүргүүлсэн байна.