Шүүхийн тухай багц хуулийг ирэх сарын 1-нээс эхлэн дагаж мөрдөхөөр болсон. Энэ хуулийн хүрээнд Эвлэрүүлэн зуучлалын тухай хуулийн хэрэгжилтийг хангах ажлын хүрээнд Шүүхийн ерөнхий зөвлөл, Японы улсын олон улсын хамтын ажиллагааны “ЖАЙКА” байгууллагын “Эвлэрүүлэн зуучлах тогтолцоог сайжруулах төсөл”-тэй хамтран эвлэрүүлэн зуучлагчдын давтан сургалтыг энэ сарын 7-9-нд зохион байгуулж байна. Уг давтан сургалтад өмнөх сургалтад хамрагдан гэрчилгээ авсан эвлэрүүлэн зуучлагчдын нэрсийн нэгдсэн жагсаалтад орсон иргэд хамрагдаж байгаа аж. Тэд цаашид эвлэрүүлэн зуучлагчаар ажиллах эрхийн гэрчилгээтэй болох юм байна.
Сургалтыг “Эвлэрүүлэн зуучлах тогтолцоог сайжруулах төсөл”-өөс бэлтгэсэн багш, шүүгч, МУИС-ийн Хууль зүйн сургуулийн доктор багш нар болон Япон улсад энэ чиглэлээр мэргэшсэн сургагч багш нар хөтлөн явуулж буй гэсэн.