Энэ сарын найманд Вашингтон хотод цагаачлалын шинэчлэлийг дэмжигчдийн жагсаалын үеэр Конгрессын гишүүн найман хүн баривчлагдсан тухай “Франс Пресс” агентлаг мэдээлж байна. Жагсаалд ойролцоогоор 10 мянга орчим хүн оролцсон бөгөөд тэднийг Конгрессын байрны ойролцоох гудамжны хөдөлгөөнийг хаасны дараагаар цагдаа нар заримыг нь баривчилсан аж. Ойролцоогоор 200 орчим хүнийг хоригдсон аж.
Цагаачлалын хуульд шинэчлэл өөрчлөлт хийх нь Ерөнхийлөгч Обамагийн сонгуулийн өмнө өгсөн амлалтын нэг юм. Өөрчлөлт оруулах саналыг Обама нэгдүгээр сард гаргасан бөгөөд Сенатын бүгд найрамдахчууд ч, ардчилсан намынхан ч дэмжсэн. Харин Конгресст олонхи байгаа бүгд найрамдахчууд зөвшөөрөхгүй байгаа тул батлагдахгүй байгаа юм. Иймд дэмжигчид нь шинэ хуулийг алгуурлалгүй батлахыг шаарджээ.
Шинэ хууль батлагдвал Америкт хууль зөрчилгүй олон жил ажилласан хууль бус цагаачдыг татвараа нөхөн өгч, торгууль төлсний дараа ажил хийх зөвшөөрөлтэй албан ёсны цагаач болж, цаашлаад Америкийн иргэн болох боломжтой болох юм. Энэ хуульд Америкт хууль бусаар цагаачилж  ажилладаг 11 сая хүн хамрагдах боломжтой аж.