Оюу толгойн далд уурхайн бүтээн байгуулалтын ажил хөрөнгө оруулагч талтай хэл амаа ололцоогүйн улмаас түр хугацаанд зогсоод байгаа. Энэ асуудлыг шийдвэрлэхээр манай талын гишүүд өнгөрсөн сард Лондонг зорьж, Рио Тинтогийн удирдлагуудтай хэлэлцээрийн ширээний ард суугаад ирсэн. Тэгвэл тэд асуудлаа үргэлжлүүлэн Улаанбаатарт хэлэлцэхээр болсон юм. Энэ хүрээнд Оюу толгой ХХК-ийн хувь нийлүүлэгчдийн хурал энэ долоо хоногт нийслэлд болохоор тов гарчээ. Үүнтэй холбоотойгоор “Рио Тинто”-гийн төлөөлөгчид Улаанбаатар хотноо хүрэлцэн ирж байгаа аж. Хоёр тал өнгөрсөн удаад Лондонд хэлэлцээр хийж, маргаантай байсан 30 асуудлаас 15-ыг нь шийдвэрлэсэн. Үлдсэн 15 асуудлыг талууд шинэ оноос өмнө шийдвэрлэхээр төлөвлөж буй аж.