Сүхбаатар дүүргийн ЗДТГ, Цэргийн штаб 2012 оны I ээлжээр татагдсан цэрэг дайчдыг халах, энэ оны II ээлжийн цэрэг татлагын үйл ажиллагаа аравдугаар сарын 18-20-ний өдрүүдэдявагдана. Дүүргээс цэргийн жинхэнэ албанд татагдаж буй залуусМонгол Улсын Үндсэн хууль, Иргэний цэргийн үүргийн болон цэргийн албан хаагчийн эрх зүйн байдлын тухай хуульд заасны дагуу зарлан дуудах хуудсан дээрх хугацаандааСүбаатар дүүргийн 31 дүгээр сургууль дээр ирсэн байх үүрэгтэй.

Монгол Улсын Иргэний цэргийн үүргийн болон цэргийн албан хаагчийн эрх зүйн байдлын тухай хуульд зааснаар хугацаат цэргийн алба нь байлдагч, түрүүчийн болон гэрээт цэргийн албанаас бүрдэх ба цэргийн дүйцүүлэх албыг иргэд биеэр хаах, эсвэл мөнгөн төлбөрийн хэлбэрээр орлуулан хааж болдог.

Харин цэргийн жинхэнэ албанд татагдагч зарлан дуудсан хугацаанд хүндэтгэн үзэх шалтгаангүйгээр цэрэг татлагын байр болон товлосон газарт ирээгүй бол тухайн иргэнийг 50000 хүртэл төгрөгөөр торгож захиргааны хариуцлага хүлээлгэх гэнэ.

Мөн ажил олгогч болон бүх шатны боловсролын байгууллагууд цэргийн насны иргэдээ цэргийн жинхэнэ албанд татагдмагц нь ажил, сургуулиас нь түр чөлөөлж, цэрэг татлагын байранд ирүүлэх үүрэг хүлээнэ гэж Сүхбаатар дүүргийн Цэргийн штабаас мэдээллээ.