“Монгол кино” нэгтгэлийн захирал Ж.Солонгыг дахин шалгуулах хүсэлтээ холбогдох албаныханд уламжилна хэмээн тус нэгтгэлийн ахмад уран бүтээлчид мэдэгдлээ. Өнгөрсөн нэгдүгээр сараас эхлэн “Монгол кино” нэгтгэлийн ахмадууд  түүнийг нэгт­гэлийн эзэмшлийн га­зар, үнэт ховор эд зүйлс борлуулсан талаар АТГ-т мэдэг­дэн шалгуулсан ч эрүү­гийн хэрэг үүсгэн шал­гах үндэслэлгүй гэж үзэн, хэрэг­сэхгүй болгосон юм. Тиймээс ахмадууд Ж.Солон­готой холбогдох хэргийг үнэн зөвөөр дахин шалгаж өгөхийг Хууль зүйн сайд Х.Тэмүүжин,  Монгол Ул­сын Ерөнхий прокурор Д.Дор­лигжав, ТӨХ-ны дарга Д.Цогтбаатар нарт хандан тодорхой баримтын  хамт хүсэлтээ хүргүүлэхээр болсон аж. Тус хүсэлтэд “Ж.Солонго нь нэгтгэлийн өмчийг дур мэдэн наймаалцсан, Япон улсад Монголын кино өдөр­лөг зохиох зардалдаа зориу­лан Японы киноны нийгэм­лэгээс 69,479 ам.доллар ав­сан, ажилчдаа орон сууц­жуулах нэрээр өөрийн хү­мүүст өгсөн” гэх зэрэг олон ба­римт дурджээ. Тиймээс тус хэргийг дахин шалгаж, Ж.Солонгын хэлсэн ярьснаар дүгнэлтээ гаргах бус бодит баримтад тулгуурлан үнэн зөвөөр дүгнэж, “Монгол кино” нэгтгэлийн ирээдүйн хувь заяа, цаашдын хөгжилд холбогдох албаныхныг анхаарал тавихыг ахмад уран бүтээлчдийн  зүгээс хүслээ.