Унтаж нойрсох нь өдрийн их ачааллаас болж үүссэн сөрөг, хортой бүхнийг тархинаас арчиж цэвэрлэдэг болохыг судлаачид олж тогтоожээ. Хүн яагаад заавал унтах ёстой байдгийн нэг шалтгаан нь энэ гэж АНУ-ын судлаачид хэлж байна. “Science” сэтгүүлд гарсан уг судалгааны тухай өгүүлэлд бичсэнээр бол “хүн унтах үед тархины эсүүд жижигрэн агшиж, мэдрэлүүдийн хоорондох зайг нээг өгдөг бөгөөд үүгээр шингэн дамжиж тархийг угааж цэвэрлэдэг” аж.  
Энэхүү ололт өнгөрсөн онд гарсан өөр нэг судалгааны үр дүнг улам баталгаажуулсан юм. Өнгөрсөн онд эрдэмтдийн баталснаар тархинд ус дамжуулах хоолой шиг сувгууд байдаг бөгөөд глимфатик систем гэж нэрлэгдэх тэр сүлжээгээр дамжин тархин дахь “хог хаягдал”-ыг гаргаж хаядаг байна. Эрдэмтдийн хулгана дээр хийсэн туршилтаас харвал унтаж нойрсох үед глимфатик сүлжээ 10 дахин илүү идэвхтэй ажиллаж байжээ. Ийм л учраас унтсанаар хүний ой тогтоолт, сурах ажиллах идэвх сайжирдаг бололтой.