Хар тамхины хууль бус наймааны хэргээр цаазын ял авсан 37 настай эр моргед сэргэсэн хачин хэрэг Иранд гарчээ.  Ираны хуулийн дагуу цаазын ялыг гүйцэтгээд 12 минутын дараа эмч нар хэрэгтэнг нас барсан гэж үзэн моргед шилжүүлсэн аж. Гэтэл  маргааш нь хэрэгтний гэр бүлд цогцсыг нь хүлээлгэж өгөхөөр засч янзалж байсан моргийн ажилтан цаазын ял авсан эрийг амьсгаатай байгааг мэдэрчээ. Орон нутгийн хуулийнхан түүнийг дүүжилж хороох ёстой учраас ахин биеийг нь тэнхрүүлэх хэрэгтэй гэж үзсэн бол цаазын ялыг гүйцэтгэгчид нэгэнт ялын тогтоолыг гүйцэтгэсэн гэж үзсэн учраас шууд нүд аниулах хэрэгтэй гэж.  Харин шүүгч Эрфан “хэрвээ хэрэгтэн амьд гарч чадвал түүний хэргийг ахин нэг нарийн нягтлах шаардлагатай” хэмээн үзэж байна гэжээ. Хэрэгтнийг гурван жилийн өмнө хар тамхины хууль бус наймаа эрхэлсэн хэмээн үзэж баривчилсан аж.  Исламын хуулиар цаазын ял гүйцэтгэхээс өмнө хэрэгтэн эрүүл мэндийн хувьд ямар нэг шалтгаангүй байх ёстой аж. Гэхдээ цаазаар авах ялыг жирэмсэн эмэгтэй, комд орсон хүнд ч өгч болох тухай хуульд нь заалт бий.