Өчигдөр Багануур дүүргийн Мөнгөнморьт сумын нутагт 12 цагийн үед осолдсон Ми-8Т нисдэг тэрэг нь буух үедээ хүчтэй салхины нөлөөнд орж осолдсон байна. Тухайн үед салхи хэт хүчтэй байснаас газардаж байсан онгоц хүчтэй бууж, сэнсээ хугалжээ. Гэхдээ нисдэг тэрэгт явсан багийн гурван гишүүн болон долоон зорчигчийн биед ямар нэг гэмтэл учраагүй, нисдэг тэргийг хөлсөлсөн хүмүүс цаашаа явганаар явсан хэмээн өчигдөр Зам тээврийн сайд А.Гансүх мэдээлсэн. Түүнд ирсэн мэдээллээр бол нисдэг тэргийг хөлсөлсөн хүмүүс загасчлах зорилготой явсан гэнэ.
Одоогоор шалгалтын комисс гарч ажиллаж байгаа тул ослын нарийн шалтгааныг албан ёсоор тогтоогоогүй байна.