Францад хэрвээ ижил хүйстэн хосын хуримыг хийлгээгүй бол хотын захирагчийг нь хорих ялаар шийтгэхээр болжээ. Тус улсын Дээд шүүхээс ингэж шийдсэн бөгөөд хэрвээ ижил хүйстэн хос гэрлэхээр шийдээд, хотын захиргаа нь тэднийг хүлээн зөвшөөрөхгүй, хуримыг нь хийлгэхээс татгалзсан бол захирагчтай нь хуулийн хариуцлага тооцдог болж байгаа аж. Хуулийн хариуцлага гэдэг нь 400 мянган фунттэй тэнцэх хэмжээний торгууль, гурван жил хүртэл хорих ялаар хэмжигдэж байна.

Франц улс өнгөрсөн тавдугаар сард ижил хүйстнүүдийн гэрлэлтийг хүлээн зөвшөөрсөн хууль баталж, Винсент Обин, Бруно Бойлю хэмээх хоёр эрэгтэй гэрлэлтээ батлуулсан анхны хос болсон юм. Гэвч уламжлалт гэр бүлийг дээдэлдэг нийгмийн бүлгүүдээс ижил хүйстний харилцааг үл хүлээн зөвшөөрсөн хандлага хүчтэй хэвээр байгаа юм. Тиймээс баталсан хуулиа хүчин төгөлдөр үйлчлүүлэхийн тулд ижил хүйстнүүдийн гэрлэлтэд ямар ч тохиолдод саад учрахгүй байх үүднээс Дээд шүүхээс  дээрх шийдвэрийг гаргажээ.