Белорусын эрх баригчид  эрүүл амьдралын төлөө бас нэг шийдвэр гаргажээ. Тэр нь “Зэвсэгт хүчин, дотоодын цэрэг, иргэний цэрэгжсэн байгууллагын ажилтан, цэргийн албан хаагчдын дунд эрүүл амьдрах ёс төлөвшүүлэх тухай” гэсэн тушаал. Энэ тушаалаар бол цэргийн албан хаагч, цагдаагийн ажилтнуудыг дүрэмт хувцастай байх үедээ тамхи татахыг хориглосон байна. Үүнээс гадна цэргийн анги нэгтгэл, цагдаагийн  албан байр, захиргааны өрөө тасалгаанд тамхи татахыг хоригложээ. Мэдээж зөрчсөн хүнд сахилгын болон захиргааны хариуцлага оногдуулах тухай ч дурдаж.  
Өнгөрсөн оны төгсгөлийн мэдээгээр Белоруст хүн амын 30,5 хувь нь тамхи татаж байгаагийн 46,8 хувь нь эрэгтэйчүүд, 16 хувь нь эмэгтэйчүүд байгаа юм байна. Өнгөрсөн хавар тус улс тамхи татахгүй байх цэгийн тоог нэмэгдүүлсэн хууль гаргасан юм.