МАН-ын Шинэчлэлийн нэртэй XXYII их хурал дарга Ө.Энхтүвшингийн илтгэлээр эхэллээ. 90 гаруй жилийн түүхтэй улс төрийн энэ том намын удаа дараагийн ялагдлын дараа болж, хэдэн сарын турш шинэчлэлийн их хурал болно гэж ярьсан болохоор үнэхээр шинэлэгдэх нь үү, намынхаа нэр зүсийг муу болгож муухай харагдуулсан олигархиудаасаа салах нь уу хэмээн, гишүүд дэмжигчид нь төдийгүй олон нийт анхааралтай ажиглаж байна. Харин намын дарга Ө.Энхтүвшингийнх нь илтгэл өнөөгийн эрх баригчид, Засгийн газрыг шүүмжлэхийн зэрэгцээ намдаа байгаа дутагдлыг дурдаад авлаа. Харамсалтай нь нэгэн цагт жигүүр байгуулан тэмцэн байж УИХ-д нэр дэвшин, БСШУ-ны сайд болж байсан даргын шүүмжлэлд намынх нь буруутай “этгээдүүд”-ийн нэгийнх нь ч нэр дурдагдсангүй.
МАН-д байгаа дутагдал бүгд эзэнгүй, дээд тэнгэрээс болсон бололтой.