Холливудын нэрт жүжигчин Николас Кейж 2007 онд нэгэн дуудлага худалдаанаас тираннозаврарекс үлэг гүрвэлийн гавлын яс худалдаж авахаар өөрийн коллеги Леонардо ДиКаприотой өрсөлдөн ялж өөрийн болгож байсан. Гэтэл энэ гавлын ясыг  палентологийн олдвор хууль бусаар наймаалагч өнөөх Эрик Прокопи зарсан болж таарч байна. Тэгэхээр 270 мянган ам.доллараар үлэг гүрвэлийн гавал худалдан авсан нэрт жүжигчин маань бас хууль бус наймааны хамтрагч  болж таарч байна хэмээн The Guardian сонин бичжээ. Одоо ДиКаприо түүнийг худалдаж аваагүйдээ баярлах болж харин Кейж Монголоос хууль бусаар хил давуулан худалдаалсан палентологийн олдвор худалдан авсан хэрэгт хамсаатан болох нь.

Эрик Прокопи эдгээр олдворыг хууль бусаар Хятад, Монголоос оруулж ирсэн нь батлагдсан болохоор энэ хэргийг шалгах явцад дуудлага худалдааны IM Chait танхимын захирал Давид Гершковиц энэ олдворуудыг худалдан авсан хүмүүсийг нэрлэхэд хүрсэн байна. Цагдаагийнхан Эрик Прокопийн дуудлага худалдаанд тавьсан бүхий л олдворыг нэг бүрчлэн шалгаж байгаа юм.