Өглөө ажилдаа ирээд удаагүй байтал МАН-ын XXYII их хурлын төлөөлөгч, намын Ерөнхий нарийн бичгийн даргад хамгийн магадлалтай хэмээн нэр нь яригдаад байсан Ж.Сүхбаатар твиттерээрээ жиргэж эхэлдэг юм байна. Тэр шууд л "Манай улсын авилгын загалмайлсан эцэг бол Бадамжунай тэргуутэн. Тагнуул цагдаа АТГ шуух шашин нийслэл МАН АН дамжсан далд сулжээг хэрсэн.." гээд л жиргэх нь тэр...

Бүтэн дөрөв   хоног  хуралдсан МАН-ын XXYII их хурлаас сонгогдсон Бага хурал нь өчигдөр чуулж 2016 оны сонгууль хүртэл намынхаа гал тогоог сахих Ерөнхий нарийн бичгийн даргаа сонгосон. Намдаа ихээхэн нэр нөлөөтэй, УИХ-ын сонгуулиар намын квотоор эхний ээлжинд парламентад шургалах энэ местийн төлөө олон хүн санаархаж байсан нь үнэн. Тэдний нэг нь цагтаа намын нарийн бичгийн дарга байсан Ж.Сүхбаатар. Түүнийг М.Энхболдын Засгийн газрын үед ЗГХЭГ-ын дарга байсан энэ тэр гээд тэр суудалд суух магадлалтай хүний нэг гэж үзэж байсан ч өчигдөр намынхаа бага хурал дээр санал хураахад, “Үнэн” сонины эрхлэгч яруу найрагч Ж.Мөнхбатад ялагдсан юм байна.

 Мань хүний авлигын загалмайлсан эцэг хэмээн нэр цохоод байгаа Т.Бахдамжунай хэдийгээр Архангайнх ч нийслэлийн факцын нөлөө бүхий этгээд. Тэр баазын диспетчерийн албанаас өгсч М.Энхболдыг хотын мэр байхад Улаанбаатар хотын ерөнхий менежер болсон. Нийслэлийн Засаг дарга, Улаанбаатар хотын захирагч М.Энхболдыг нийслэлийн газрыг баруун солгойгүй тараан цацаж байхад суган дор нь суучихаад хамжилцаж байсан л хүн.
Тэгэхээр унасан хүн ууртай гэж 2016 оны УИХ-ын сонгуулиар төрийн ордны хагас дугуй танхимын нэг суудлыг эзэлнэ хэмээн зүүдэлж явсан Ж.Сүхбаатар ялагдсандаа М.Энхболдод уур нь хүрээд түүнийг илчилье, түүний эсрэг босъё гэж бодож эхвэл бололтой. Гэхдээ бас цагаа болохоор яг халз үзчихэж чадалгүй гадуур тойргоос нь эхлэн чимхэж байгаа нь энэ юм болов уу.

Одоо хаана яваа нь мэдэгдэхгүй байгаа Т.Бадамжунайг Ж.Сүхбаатар яагаад ингэж цохон дурдах болов. Шөнө хөөрхий Жунай баяныгаа зүүдэлж хонов уу. Үгүй л дээ, халдавч хар халзандаа гэгчээр М.Энхболдыгоо, намынхаа шинэ даргыг улаан цайм авлигачаар нь дуудчихаж бас арай зүрхлэхгүй хажуу дэргэдэх, хамтрагчийг нь ноцож байгаа энэ энэ.
Чухамдаа Т.Бадамжунайг нэрлэнэ гэдэг бол М.Энхболдыг авлигач, газрын наймаачин гэдгээр нь дуудахтай агаар нэгэн.

Жигүүр ургангуут л “дорбинктох” гэдэг МАН эв нэгдэлтэй, элдэв фракц бүлэглэл байхгүй гэдэг ч намын нарийн бичгийн дарга байсан хүн ингээд эхэлж байгаа нь энэ нам дотроо өөр өөрийн бүлэглэлтэй, тэр нь бусдынхаа талаар баримт цуглуулж байдаг гэдгийг харуулж байх шиг.
Шинэчлэлийн, эв нэгдлийн их хурал нь намаа улам задалж эхэлж байгаа юм биш байгаа даа.

Өчигдөр орой Ерөнхий нарийн бичгийн дарга болж чадаагүйдээ болоод нанчид багагүй хүртээд өглөө согтуу нь гараагүй байна уу, юутай ч Ж.Сүхбаатар их л зоригтой л байна.

Эсвэл МАН-ын их, бага хурал гэж өмнөхөөсөө ялгагдахгүй, Ш.Сайхансамбуугийн хэлдгээр хайрцаглачихсан, сайн дэглэсэн жүжиг болоод шинэчлэгдэхгүй байхаар нь ер нь энэ намын булайг дотроос нь задлаад өгье гэж сэтгэл шулуудав уу. 

Ийм шулуун шударга хүн олон, гэхдээ МАН дотроос гараад байвал манай хууль шүүхийн байгууллагын ажил нэлээд хөнгөрнө дөө.
Одоо Т.Бадамжунайгийнхаа хамтрагчдыг, идэж уусныг нь баримтаар дэлгээд бай, Ж.Сүхбаатар аа. Ямар мэдэхгүй юм биш.