Румыний эрдэмтэд хиймэл цус гарган авахаар удтал оролдсоны эцэст хүссэн үр дүндээ хүрч, хулгана дээр туршилт хийжээ. Туршилтын үр  дүн амжилттай гарвал  2014 юм уу 2015 он гэхэд хүмүүст турших юм байна.
Румыний Клуж-Напока хот дахь Клужийн их сургуулийн эрдэмтдийн гаргаж авсан энэ хиймэл цус амьд организмын хими болон механик үйл ажиллагааг бүрэн  дэмжиж байгаа нь ажиглагджээ.
Ингээд хүн дээр туршихад амжилттай болбол эмнэлгийнхэн байнгын бэлэн цустай байж донорын царай харахгүй болох юм. Цусны бүтцэд давс, төмрийн агуулгатай уураг гемэритрин орсон гэнэ. Энэ цус энгийн үед хуурай бэлдмэл хэлбэртэй байгаад шаардлагатай үед зориулалтын тусгай усаар шингэлэн уусмал болгон хэрэглэх юм байна.
Өмнө нь хиймэл цус гарган авах гэж олонтаа туршиж оролдож байсан ч нэг ч удаа бүтэлтэй болоогүй юм. Францын эрдэмтэд мөн хиймэл цус гарган авахаар туршиж байгаа ч үр дүнгийн талаар мэдээлээгүй байна.