Ахмадуудтай биечлэн уулзаж ярилцсанаас энэ өдрүүдэд болсон уулзалт ярилцлага, нэгдсэн арга хэмжээний үеэр “Ахмад, азай буурлууд аа, саналаа өгнө үү?” гэсэн хайрцаг ажиллуулж, олон нийтээс “Нэг иргэн-нэг санал”, өндөр настнуудаас “Нэг ахмад-нэг санал” гэсэн нэргүй хуудсаар гадна аймаг, сумын ИХТ, Засаг даргын бодлого шийдвэр, үйл ажиллагаанд тусган хэрэгжүүлэхэд чиглэсэн санал авчээ. Тэдгээр саналыг төрөлжүүлэн ангилж найман саналыг УИХ, Засгийн газар болон яам, агентлаг зэрэг дээд шатны байгууллагад, 25 саналыг аймгийн удирдлагуудад, 17 саналыг холбогдох байгууллагад уламжилж мөн 17-г сумандаа шийдвэрлэх нь зүйтэй гэж үзсэн байна. Ахмадууд асаргаа халамж, түлээ мод, байр орон сууц, эмнэлгийн үйлчилгээг өргөтгөх зэрэг давхардсан тоогоор олон асуудал хөндөн санал болгосны дээр зарим аймгийн жишгээр ахмадуудад зориулсан ордон, танхимтай болгохыг хүсчээ. “Ахмад настны нийгмийн хамгааллын тухай” хууль нь тунхаглалын чанартай, амьдралд бодитойгоор хэрэгжиж ахмадуудад үзүүлэх нөлөө багатай байгааг шүүмжилж, мөн үнэ ханш их хэмжээгээр өсч байхад тэтгэврийг нэн даруй нэмэх шаардлагатай гэж үзсэн байна.