Чингисийн талбайд энэ сарын 8-ны өдөр  эмч, багш нар цалингаа 40 хувь нэмэгдүүлэхийг шаардаж жагсаал хийх  болсныг Боловсрол, Эрүүл мэндийн салбарын Үйлдвэрчний эвлэлээс мэдэгдэв.
УИХ-ын чуулганаар 2014 оны төсөв хэлэлцэж байгаатай холбогдуулан МҮЭ-ийн холбооноос цалин тэтгэврийг ялгавартай нэмэгдүүлэх, асуудлаар гурван талт хэлэлцээр эхлүүлсэн хэдий ч өнөөдрийг хүртэл тодорхой үр дүнд хүрээгүй тул ийнхүү эмч, багш нар жагсаал хийхээр болжээ. Үндэсний статистикийн хорооны мэдээллээр өнгөрсөн хоёр жилийн инфляцийн түвшин 23.3 хувь, эдийн засгийн өсөлт 23.6 хувийн өсөлттэй байгаа учир цалин тэтгэврийг 46.9 хувиар нэмэгдүүлэх үндэслэлтэй саналыг МҮЭ-ийн холбооноос тавиад байгаа юм. Хэрэв МҮЭ-ийн холбооноос тавьж буй саналыг хүлээн аваагүй тохиодолд  эмч, багш нар ажил хаялт зарлах ажээ.