БНСУ-ын Хөдөлмөрийн аюулгүй ажиллагаа, эрүүл ахуйн агентлаг, МХЕГ олон жилийн хамтын ажиллагааны гэрээгээ дахин сунгав. Солонгосын талаас МХЕГ-т сургалтын зориулалттай автобус бэлэглэв.

Энэхүү автобус нь ямар нэг аж ахуйн нэгж, байгууллагадр сургалт зохион явуулахад заавал өрөө, танхим, техник хэрэгсэл шаардахгүйгээр шууд сургалт явуулах боломжтой иж бүрэн тоноглогджээ. БНСУ-ын Хөдөлмөрийн аюулгүй байдал эрүүл ахуйн агентлагтай сүүлийн 10-аад жил хамтран ажилласан бөгөөд  гэрээ хэлэлцээрийн хүрээнд төрийн болон аж ахуйн нэгж байгууллагын 90 гаруй төлөөлөл, мэргэжлийн хяналтын байгууллагаас 60 орчим байцаагч олон улсын сургалт болон хуралд оролцож мэргэжил мэдлэгээ дээшлүүлжээ. Хоёр байгууллагын хамтран ажиллах санамж бичгийн хүрээнд Монгол улс дахь үйлдвэрлэлийн осол, мэргэжлээс шалтгаалсан өвчлөлийг бууруулахад БНСУ-ын Хөдөлмөр аюулгүй байдлын ажиллагаа, эрүүл мэндийн агентлагийн  арга туршлагаас хуваалцаж, дэмжлэг туслалцаа үзүүлнэ гэдгээ тус агентлагийн ерөнхий захирал Им Сын Об мэдэгдэв.