Улирал солигдсонтой холбоотойгоор хүний биед өөрчлөлт ажиглагддаг байна. Нэг хэсэг нь унтмаар санагдаж, залхуу нь хүрдэг бол зарим хүний ажлын бүтээмж дээшилдэг аж.
Тэгвэл бид нойрны тухай хэр их мэдэх вэ. Эрүүл мэндийн анагаах сударт бичсэнээр унтах нь эрүүл байхын үндэс бөгөөд хүнийг урт наслуулах гайхамшигтай эм гэнэ. Хүн байгалийн жамаар өдөр ажиллаж, шөнө унтаж байх нь зохилтой. Тухайн хүний биеийн онцлогоос хамаарч 5-8 цаг хүртэл унтах нь эрүүл мэндэд тустай байдаг аж.  Учир нь, нэг шөнийн нойр дөрвөн өдөр ажил хийсэнтэй тэнцдэг байна.

Нойргүйдлийн шалтгаан

Идээ ундааны зохицол алдагдах
Хоол тэжээл илүүдэх эсвэл дутагдах
Хүнд хөдөлмөр ядартлаа хийх
Дэндүү их уурлаж бухимдах,
Уйтгар гунигт автах
Сэтгэл санаа тогтворгүй болох
Юмнаас айж цочсоноос үүддэг байна.

Тэгвэл таны нойр ихэсвэл

Унтаж барах биш сэрж барах
Хүнд тостой хоолыг цэвэрлэж хагас өлсгөлөн байх
Биеийн хөдөлгөөний дасгал сайн хийгээрэй.

Хэрвээ нойр тань муудвал:

Хярам, хар шөл уух
Хөлөө дулаацуулах
Ажил, амралтаа зохицуулснаар бусад эрхтний системээ хямралаас хамгаалдаг байна.