Цаг уур орчны шинжилгээний газрын мэдээгээр 16-нд зүүн зүгийн нутгаар, 18-нд баруун зүгийн нутгийн баруун хэсгээр, 19-нд Хангай, Хөвсгөлийн уулсаар бага зэргийн цас орж, явган шуурга шуурна гэлээ. Хугацааны эхээр Дархадын хотгор, Хүрэн бэлчир, Идэр, Тэс, Хэрлэн голын саваар шөнөдөө 19-24 градус, өдөртөө 7-12 градус, говийн бүс нутгийн өмнөд хэсгээр шөнөдөө 7-12 градус хүйтэн, өдөртөө 0-5 градус дулаан, бусад нутгаар шөнөдөө 12-17 градус,өдөртөө 3-8 градус хүйтэн байна гэлээ. Харин 17-нд нутгийн баруун хэсгээр, цаашдаа ихэнх нутгаар өдөртөө хүйтний эрч суларна. Гэхдээ амралтын өдрүүдэд явган шуурга шуурах учраас малчдыг сонор сэрэмжтэй байхыг анхаарууллаа.