Нийгмийн халамж, үйлчилгээний ерөнхий газраас “Хүний хөгжлийн сан”-гийн мөнгөө аваагүй иргэдийг ирэх оны нэгдүгээр сарын 1-нээс өмнө авахыг анхаарууллаа. Учир нь, 2010-2012 онд  “Хүний хөгжлийн сан”-гаар дамжуулан “Эх орны хишиг” хувийг нэг сая 900 мянган иргэнд сар болгон 21 мянган төгрөг болгон олгосон юм. Харин уг мөнгөө аваагүй иргэдэд нөхөн олгохоор 2013 оны төсөвт 32 тэрбумыг суулгасан бөгөөд заасан хугацаанд авахгүй бол дахин олгохгүй гэлээ. Иймд мөнгөө авч амжаагүй иргэд оноос өмнө аймаг, дүүргийнхээ Нийгмийн халамж үйлчилгээний газарт хандахыг зөвлөлөө.