Сүүлийн үед хууль бусаар ан амьтан агнасан гэх хэрэг олонтаа гарах болсон. Тиймээс Засгийн газрын 2011 оны нэгдүгээр сарын 25-ны өдрийн 23 дугаар тогтоолоор баталсан “Ан амьтны нөөц ашигласны үнэлгээ, төлбөр, хураамжийн хэмжээ”-г танилцуулъя.  Уг  тогтоолын хоёрдугаар хавсралтад зааснаар ахуйн зориулалтаар эр бор гөрөөс агнахад  66.000, эм бор гөрөөс  80.000, эр цагаан зээр 100.000, эм цагаан зээр 110.000, ойн зэрлэг гахай эр нь 140.000, эм нь 160.000, саарал чоно 102.000, шар үнэг 22000, хярс үнэг  20000, ойн булга 90.000, суусар булга 94000 төгрөгийн хураамж төлөх ажээ. Ахуйн зориулалтаар амьтан барих, агнахдаа “Амьтны тухай хууль”-ийн 28.1-д заасан “Иргэн зохих төлбөр төлж, сумын Засаг даргаас авсан эрхийн бичгийн дагуу агнуурын ховор амьтнаас бусад амьтныг өөрийн ахуйн зориулалтаар агнаж барьж болно” гэсэн заалтыг дагаж мөрдөх  ёстой юм байна.