2014 онд барилгын салбарт хийгдэх шинэч­лэлийн талаархи хэлэл­цүүлгийг Нийслэлийн Засаг даргын Тамгын газар, АНУ-ын Олон Улсын хөгжлийн Агентлаг хамтран зохион байгууллаа. Хэлэлцүүлэгт нийслэлийн удирдлагууд, олон улсын болон холбогдох мэргэжлийн байгууллагууд, хувийн хэвшлийн төлөөлөл оролцлоо.

Нийслэлийн Засаг дарга бөгөөд Улаанбаатар хотын Захирагч Э.Бат-үүл    “Бид барилгын зөвшөөрөлтэй хол­боотой мэдээллийг олон нийтэд  ил тод бол­гос­ноор авлига хүнд суртлыг багасгаж, төрийн үйл­чилгээнд тодорхой хэмжээнд ахиц гаргаж байна. Гэхдээ барилгын компаниуд албан ёсны зөвшөөрөлгүйгээр барилгын ажил эхлүүлж, нийтийн эзэмшлийн зам талбай, орон сууцны суурийг хөндөж, барилга барих ноцтой зөрчлүүд гаргасаар байна. Ирэх жилээс эдгээр зөрчлийг иргэдийнхээ тусламжтайгаар арилгана’’ гэлээ.

Өнгөрсөн 11 сард хотын удирдлагууд болон Мобиком корпорац хоорондын хий­­сэн уулзалтын үеэр зөв­шөөрөлгүй баригдаж байгаа барилгын ажлыг хянах, илрүүлэх техникийн шийдэл олох хүсэлтийг Мобиком корпорац тавьсан байна.
Энэ өдрийн хэлэл­цүүл­гийн үеэр Мобиком Корпорацын гүйцэтгэх захирал Дэвид Холлидэй дээрх хүсэлтийн хариу болох шийдэл бүхий апликейшн олсон гэдгээ мэдэгдлээ. Тэрээр хэлэхдээ ‘‘Бидний мэдэхээр энэ төрлийн шийд­лийг нэвтрүүлэх нь Улаанбаатар хотын захир­гаанд анх удаа төдийгүй дэл­хийд анхных. Иргэд ухаалаг гар утас ашиглан зөвшөөрөлгүй баригдаж байгаа барилгуудыг таних боломжтой болох бөгөөд тун удахгүй энэ технологийг нэвтрүүлэх болсноо мэ­дэг­дэхэд таатай байна’’ гэлээ.

Цаашид талууд энэ төс­лийг хөгжүүлэх асуудалд хамтран ажиллах бөгөөд гар утсанд суурилсан апли­кейшныг иргэдэд ямар хэл­бэрээр нэвтрүүлэх, барилга байгууламжтай холбоотой асуудлуудад ямар дэвшил авчрах тухай НЗДТГ-аас иргэдэд албан ёсоор тун удахгүй танилцуулах юм байна.