Энэ жил Улаанбаатар хотод шинэ жил угтаж, нийслэлийн иргэдээ хоёр он солигдох мөчид цэнгүүлэхэд нийслэлийн ЗДТГ-аас нийтдээ 187,3 сая төгрөг зарцуулах гэнэ. Энд жанжин Сүхбаатарын хөшөөг тойрсон 4 ширхэг торшёрт сүлд модны хэлбэртэй бүслүүр хийж цэнхэр гэрлээр, төв талбайн сүлд модыг бүхэлд нь шар гэрлээр, талбайн урд хэсэгт байрлах сэндвич байшингийн хойд талыг туузан гэрлээр чимэхэд  “Гэрэлтүүлэг чимэглэл” ХХК 19,8 сая төгрөгөөр гүйцэтгэхээр төсөвт тусгажээ. Мөн Чингисийн талбайн сүлд модны дэргэд “Улаанбаатар 2013-2014” гэсэн бичиг, өвлийн өвгөний хамт байрлуулахад 5 сая төгрөг төсөвлөж, иргэд баярын зураг авхуулах боломж бүрдүүлэх юм. 12 сарын 15,31-ний өдрүүдэд болох үйл ажиллагааны том, жижиг тайзууд, гэрэлтүүлэг, хөгжим, техник, аппаратур, лед дэлгэцийг “Sound of Mongolia” ХХК хариуцаж байгаа бөгөөд 80 сая төгрөгөөр хийх гэнэ. Он солигдох мөчид  Шинэ жилийн баярын ёслолын буудлагыг Чингис хааны талбай, Баянхошуу, Шархад, Долоон буудал гэсэн 4 байршлаас буудахад 40.сая төгрөг зарцуулах тооцоо гаргасан байна. Төв талбайд болох Шинэ жилийн баярын цэнгүүнд Lumino, A sound, 3 Охин, The Lemons, Ufo, Colors, Rec On хамтлагууд, МУГЖ Сарантуяа, дуучин A Cool, Реппер Gee, Дөлгөөн, Хишигдалай, Чойжоо гээд Монголын рок попын 50 гаруй уран бүтээлч оролцох юм. Мөн фцэнгүүнд оролцох иргэдийн тав тухтай байдлыг хангах зорилгоор халуун цай, аарц, түргэн хоолны үйлчилгээнээс гадна тодорхой цэгүүдэд ил гал бадраах юм байна.