Нийслэлийн Засаг даргын Санхүү, эдийн засгийн асуудал хариуцсан орлогч “Худалдан авах ажиллагааг зохион байгуулах тухай” А/1107 тоот захирамж гаргалаа. Захирамжийн дагуу нийслэлийн төсвийн хөрөнгөөр 2014 онд санхүүжих Орон сууцны хороолол доторхи гадна дулаан, ус хангамж, ариутгах татуургын шугам сүлжээний өргөтгөл, шинэчлэлтийн ажлын жагсаалтыг гаргалаа. Жагсаалтаар батлагдсан төсөл, арга хэмжээний гүйцэтгэгчийг сонгон шалгаруулах Үнэлгээний хороог нийслэлийн Засаг даргын захирамжаар байгуулан, худалдан авах ажиллагааг холбогдох хууль журамд нийцүүлэн зохион байгуулахыг нийслэлийн Худалдан авах ажиллагааны газарт даалгалаа. Төлөвлөгөөгөөр ирэх онд 22 байршилд 3 тэрбум төгрөгийн өргөтгөл, шинэчлэлтийн ажил хийгдэх юм.