Дархан-Уул аймгийн АН-ынхан бямба гарагаас эхлэн өлсгөлөн зарлаад байна. Энэ талаараа баасан гарагт мэдэгдэж хэвлэлийн бага хурал хийсэн. Намаа шинэчлэх хөдөлгөөн өрнүүлээд байгаа Л.Наранбаатар тэргүүтэй 11 хүн өлсгөлөн зарлажээ.
Дотоод зөрчлөө шийдүүлэхээр төв намдаа хандаж, Хяналтын ерөнхий хорооноос намын үүрийн хурлаа хийж, даргаа сонгож, бүтцээ байгуулах шийдвэр гаргасан. АН-ын ерөнхий нарийн бичгийн дарга Ц.Оюундарьд шаардлага хүргүүлсэн ч одоог болтол  хариу өгөхгүй байгаа. ХЕХ-ны шийдвэрийг хэрэгжүүлэх боломжоор хангаж өгөх, шаардлагын хариуг өгөхийг хүсч, намынхаа байранд суулт хийж, байсан бол тэмцлийн дараагийн арга хэмжээгээ авч эхэлжээ.
Намын дотоод асуудал мэт боловч ардчиллыг өмчилж авсан бүлэглэлтэй хийж буй тэмцэл, гавьяат Д.Сособарамын хэлсэн үг Дарханд бодит жишээ боллоо, дотоод ардчилалтай байж АН эрүүл болно гэж тэд байр сууриа илэрхийлээд байгаа юм. Тэд анхан шатны үүрийн дахин сонгуулийн тов тогтоох, эрхзүйн чадамжгүй болсон Дарханы АН-ыг татан буулгахыг шаардав. Өнөөдрийн 15 цаг хүртэл хариу өгөхгүй бол хуурай өлсгөлөнд шилжихээ мэдэгдсэн байна.