Монголын өдөр тутмын чөлөөт хэвлэл Ардчилал сонин Монголын шилдгийн шилдэг сонины нэгээр шалгарлаа. Тус сонины нийгэмд үзүүлэх нөлөө, нэр хүнд, цар хүрээг үнэлэн 2013 оны шилдэг таван сонины нэгээр тодруулсан юм. Дөнгөж саяхан болж өндөрлөсөн Монголын сэтгүүл зүйн шилдгийг шалгаруулах ёслолоос уг шагналыг гардуулсан байна.

“Ардчилал” сонин Монгол оронд чөлөөт хэвлэлийн үндэс суурийг тавьсан гэж сэтгүүл зүйн салбарынхан төдийгүй нийгэм үнэлдэг юм. Тус сонин анхны дугаараа 1990 оны дөрөвдүгээр сарын 8-нд 100 мянган хувь хэвлүүлж, тухайн үед нэг төгрөгөөр борлуулсан нь тэр дороо дуусч байсан гэлцдэг. Хуучин тогтолцоо, эрх баригчдын үнэн төрхийг олон нийтэд илчилснээрээ сэтгүүл зүйн эрхэм үүргээ гүйцэтгэж, чөлөөт хэвлэл хөгжих замнамлыг тавьсан тус сонин 2007 оноос өдөр тутам хэвлэгдэн уншигчдын гарт хүрч байна. Тийм ч учраас Монголын сэтгүүлчдийн эвлэлээс “Ардчилал” сонинд “Үндэсний хэмжээний анхдагч чөлөөт хэвлэл” батламжлал гардуулж байсан юм.
“Ардчилал” сонины хамт “Өдрийн сонин”, “Өнөөдөр”, “Монголын мэдээ”, “Зууны мэдээ”, “Монголын мэдээ” сонинууд шилдгээр шалгарчээ.