Эрэгтэй, эмэгтэй хүний хувьд хангалттай нойрсох хугацаа харилцан адилгүй байдаг гэнэ. Нойр бол хүн өдрийн турш ачааллаж, ажиллуулсан тархиа амрааж, сэргээх процесс гэдэг нь нэгэнт батлагдсан. Тэгэхээр хэн нь илүү тархиа ажиллуулсан, тэр хүн илүү их амрах ёстой болж таарна. Тэгвэл судлаачдын олж тогтоосноор эмэгтэй хүн, ялангуяа гэрийн эзэгтэй нар өдрийн турш олон янзын ажил амжуулж, завгүй байдаг учир тархи нь илүү ядардаг байна. Тиймээс эмэгтэйчүүд эрчүүдээс илүү сайн унтаж амрах шаардлагатай хэмээн зөвлөж байна. Хэрэв нойр дутагдаж, байнга дутуу нойртой яваад байвал уур уцаартай болохоос эхлээд бие, эрүүл мэндэд сөргөөр нөлөөлдөг учир эмэгтэйчүүд аль болох сайн нойр авах гэж хичээх хэрэгтэй гэнэ. Гэхдээ эрчүүдээс илүү унтана гэдэг нь 90 минутаас ихгүй гэсэн үг гэнэ.  Өөрөөр хэлбэл, эзэгтэй та нөхрөөсөө нэг цаг хагас илүү унтсан байхад тэдэнтэй адил хэмжээнд амарч, энэ хугацаанд тархи бүрэн сэргэж, шинэ өдрийг эхлүүлэх эрч хүчээр цэнэглэгдсэн байна. Хэрэв та өглөө эрт босох шаардлагатай байдаг бол өдрийн цагаар түр нойрсох нь эрүүл мэндэд их хэрэгтэй шүү.