Өнөөдөр Монголын анхны автобусны үйлдвэр нээлтээ хийлээ. 11 цагт нэгдүгээр хорооллын Номин хотхонд байрлах “Эко бус” ХХК-ийн байранд автобусны үйлдвэрийн нээлт болсон ба уг нээлтэд Ерөнхийлөгч Ц.Элбэгдорж болон нийслэлийн удирдлагууд оролцсон юм.

Автобусны үйлдвэрт өнөөдрийн байдлаар  J-800 загварын, дараагийн цуврал болох J-800T маркийн Евро-4 хөдөлгүүрийн стандарттай, намхан шалтай, портал тэнхлэгтэй автобус үйлдвэрлэжээ. Нийтийн тээврийн салбарт шинэ технологи нэвтрүүлж, үйлчилгээний шинэ жишиг стандартыг тогтоож чадахуйц энэхүү автобус нь нийслэлийн нийтийн тээвэрт одоо хэрэглэгдэж буй автобуснаас олон давуу талтай бөгөөд Монгол орны уур амьсгалын нөхцөлд нийцсэнээрээ онцлогтой аж.