Сар шинийн баяраа айл өрх, албан байгууллага бүр цэвэр цэмцгэр угтдаг уламжлалтай.Энэхүү уламжлал ёсоор нийслэлчүүд өнгөрсөн амралтын өдрүүдэд их цэвэрлэгээнд гарч орчин тойрноо цэвэрлэжээ.
“Автобус-3” ОНӨААТҮГ-ынхан хэдийгээр ээлжийн ажилтай ч бүх нийтийн цэвэрлэгээндээ идэвхтэй хамрагдаж орчин тойрноо цэмцийлгэв. Одоогоор тус компаниас өдөр бүр шугаманд 70-аад автобус гарч иргэдэд үйлчилдэг. Хэдийгээр өнгөрсөн долоо хоногт нийтийн тээврийнхэн ажил хаялт зарлан иргэдийг багагүй чирэгдүүлсэн ч тус компанийн хувьд иймэрхүү асуудал гараагүй. Ирэх өдрүүдэд ч иргэдээ чирэгдүүлэлгүй цэвэр цэмцгэр автобусаар үйлчилж, ирж буй морин жилээ амжилт бүтээл дүүрэн угтахаар ажиллаж байна хэмээн тус компанийнхан ярьж байлаа.