Говь-Алтай аймагт ИТХ-ын дахин сонгууль болж, өчигдөр иргэд саналаа өгсөн. Сонгуулийн тойргийн хорооноос албан ёсоор мэдээлэл хийгээгүй байгаа ч урьдчилсан дүнгээр Баян-Уул, Төгрөг, Хөхморьт, Шарга сум болон аймгийн төвийн Баяншанд багт АН бусад намаас илүү санал авчээ. Харин намын жагсаалтаар 12 суудалд  МАН дөрөв, үлдсэнд нь АН-ын нэр дэвшигчид олонхийн санал авсан бололтой. МАХН-аас нэг ч нэр дэвшигч нь ялалт авч чадаагүй гэнэ. Энэ бол урьдчилсан дүн юм. Сонгуулийн тойргийн хороо нь санал хураалтыг ямар нэг цахим бүртгэлээр авалгүй, саналын хуудсыг гараар тоолсон байна. Одоогоор дахин сонгуультай холбоотой ямар нэг маргаан гараагүй байгаа аж.
Говь-Алтай аймгийн ИТХ-ын 35 суудлын 17 төлөөлөгчид МАН-15, АН-17, МАХН-14, бие даагчид гурван хүн өрсөлджээ.