Германы “Haribo” компаниас арьсны өнгөөр ялгаварлан гадуурхсан үзлийг дэвэргэсэн гэж буруутгагдсан чихрийн үйлдвэрлэлийг зогсоож, худалдаанаас татсан байна. Африк гаралтай хар арьстнуудын нүүрний хэв маягтай төстэй байдлаар хийгдсэн зөрөг цэцгийн амттай хар өнгийн чихрийг Шведийн худалдан авагчид арьсны өнгөөр ялгаварлан гадуурхсан гэж үзэн эсэргүүцэл илэрхийлсний дараа ийм арга хэмжээ авч.
“Skipper Mix” нэртэй энэ чихрийн цуглуулга нь орон орны үндэстэн ястнуудыг харуулсан, дэлхийн янз бүрийн газар нутаг руу хийж байгаа аялал байдалтай хийж байсан ч хар арьстнуудыг харуулсан цуврал нь худалдан авагчдад таалагдаагүй бололтой.
Шведээс гадна Данид зарагдаж байсан “Skipper Mix” чихрийн цомгийг татах шаардлагатай болсон байна. Учир нь, энэ чихрийн цомог нь Данийг нэгэн цагт Африкт колонитой улс байсан гэдгийг иргэдэд нь сануулан таагуй дурсамжийг сэргээсэн юм гэнэ.