Олон улсын “Оксфам” байгууллага манай гаригийн 125 орны хүн амын хэрэглэж байгаа хоол хүнсэнд судалгаа хийж үзээд хамгийн эрүүл хүнс хэрэглэдэг, мөн хүнсний эрүүл ахуйн талаар хамгийн асуудалтай 10 орныг нэрлэжээ.
Эндээ хэрэглэж байгаа хүнсний бүтээгдхүүний нэр төрөл, тоо, хэвийн хооллоход зарцуулж байгаа мөнгө, хүнсний чанар, хоол хүнснээс болсон өвчлөлийн түвшин зэргийг харгалзсан байна. Энэ бүх үзүүлэлтээр авч үзвэл Нидерландад хамгийн таатай байгаа нь харагджээ. Энд хүнсний бүтээгдхүүн хамгийн хямд, хүнс хоол тэжээлээс болох  өвчлөл бага байсан байна. Эдний араас Франц, Швейцари зэрэг орнууд оржээ.
Эрдэмтдийн үзсэнээр Австрийн хүн амын 27 хувь өөхөлсөн нь бас асуудал болж байгаа гэнэ. Харин хүнснээс болсон өвчлөл Саудын Арабт хамгийн өндөр гарчээ.
Чад улсын тухайд бүхий л үзүүлэлтээр хамгийн доод түвшинд очиж сүүлээсээ нэгдүгээрт орж байна. Мэдээж хоол хүнс үнэтэй, чанаргүй, эрүүл ахуйн маш муу нөхцөлд хүнсээ бэлтгэж байгаа юм байна. Бурунди улс гэхэд л хүн амынх нь 67 хувь хоол хүнсээр хомс  байдаг бол хүүхдүүдийнх нь 35 хувь жингийн дутагдалтай гэнэ. Энэтхэгт мөн ялгаагүй хүүхдүүдийнх нь 44 хувь жин дутуу байна.

Эрүүл хүнстэй 10 орон:                        Хүнсний асуудалтай 10 орон:
  1.    Нидерланд                                          1. Чад
   2.    Франц                                                 2.Ангол
   3.    Швейцари                                            3.Эфиоп
   4.    Дани                                                    4.Мадагаскар
   5.    Швед                                                   5.Йемен
   6.    Австри                                                 6.Нигери
   7.    Бельги                                                 7.Бурунди
   8.    Ирланд                                                 8.Мозамбик
   9.    Итали                                                    9. Зимбабве
  10.    Португали                                           10.Сьерра-Леон