ОХУ-ын Воронеж мужийн Павловын районы нэгэн эр  насанд хүрээгүй охиндоо хүүхдийн тэтгэвэр төлөхөөс зайлсхийн Монголд ирэн шинэ эхнэртэй болоод гурван жил амьдарсан байна. Тэрээр сүүлийн хэдэн жил охиноо өсгөхөд зориулж тэтгэвэр төлөөгүй байснаас нийтдээ 300 мянган рубль болж хуримтлагдсан болохоор мужийн шүүхээс түүнийг оросоос гаргахгүй байхыг анхааруулж эрэн сурвалжилж байжээ. Гэтэл тэр  саяхан гадаад паспортаа сунгуулахаар Воронеждоо нууцаар очоод Монгол руу буцаж явахад нь хил дээр саатуулсан байна.  Түүнийг одоо насанд хүрээгүй хүүхдээ өсгөхөд зориулан хүүхдийн тэтгэврээ төлсөн цагт нь шинэ гэр бүл рүүгээ явахыг зөвшөөрнө гэж РИА "Воронеж" сайтад бичсэн байна.