Том оврын автобусны үйлчилгээ эрхлэгчдйин холбооныхон мягмар гарагт хийлгэсэн хэвлэлийн хурал дээрээ ингэж мэдэгдсэн. Тэд нийтийн тээврийн эрхлэгчид Нислэлийн Тээврийн газартай байгуулсан гэрээний хугацаа өнгөрсөн оны арванхоёрдугаар сарын 23-нд дууссан. Том оврын автобус байнга алдагдалтай ажиллаж байгаагаа хэлж, хуучин үнэ 400 төгргөөр үйлчлэхгүй хэмээн шинээр гэрээ байгуулахгүй өнөө хүрсэн. Ингэхээр гэрээ дууссанаас хойш нэг сар болоод үнээ ийн нэмэхэд хүрч  байгаа юм хэмээн мэдэгдсэн юм.
Энэ тухайд Том оврын автобусны үйлчилгээ эрхлэгчдийн холбооны гүйцэтгэх захирал Ж.Дамдинсүрэн “Бид үнээ нэмэхгүй бол алдагдалтай байна гэдгээ Нийслэлийн тээврийн газарт аль хэдийнээ мэдэгдсэн. НЗДТГ-т ажлын хэсэг байгууллаа л гэсэн, дүгнэлтийг нь хүлээгээд бид өнөө болтол үнээ нэмээгүй. Одоо аргагүйн эрхэнд 23-ны өдрөөс үнээ нэмэхээр шийдээд байна. Нэг хүний зорчих тасалбарын үнийг 500 төгрөг болгосон ч гэсэн компаниуд алдагдалгүй ажиллаж чадахгүй. Бүр алдагдалгүй ажиллая гэвэл тасалбарын үнийг 600 төгрөг болгох шаардлагатай. Гэхдээ бид хүүхдийн тасалбарын үнийг нэмэхгүй” гэсэн юм.