Facebook мэтийн олон нийтийн сүлжээ яг л халдварт өвчин шиг хэсэг хугацаанд хурдацтай тархаж, газар аваад удалгүй алга болно хэмээн энэ талаар хийсэн нэгэн судалгаагаар дүгнэжээ. Принстоны судлаачдын үзэж буйгаар Facebook 2015-2017 оны хооронд хэрэглэгчдийнхээ 80 хувийг алдах гэнэ. Тэд Facebook-ийн үзэл санааг яг өвчинтэй адилтган үзээд, одоо бол өвчний ид дэгдэлтийн үе учраас хүн бүхэнд халдварлаж, өвчтөнөө бараг үхүүлэх дөхсөн буй оргил үе дээрээ яваа. Гэвч халдварт өвчнийг устгадагтай адил Facebook-ийн дэгдэлт намжиж, удахгүй хүмүүс Facebook-ээ орхих болно гэжээ.
Үнэндээ Facebook-ийг орхих явдал сүүлийн үед хүүхэд залуусын дотор ажиглагдаж байгаа. Өнгөрсөн онд Америкт гэхэд 11 сая хүүхэд залуус энэ сүлжээнээс гарсан гэдэг мэдээ байгаа юм.