АНУ-ын Миннесота мужийн Брейнард хотын Гулл хэмээх нууранд дэлхийн хамгийн том загасчлалын тэмцээн болж өнгөрлөө. Жил бүрийн нэгдүгээр сард уламжлал болгон зохиогддог энэ тэмцээнд оролцож буй хүн бүр нуурын усыг нүхлээд, хамгийн том загасыг амьдаар нь барьж шүүгчдэд үзүүлэх ёстой юм. Тэмцээний шагнал яггүй өндөр, 150 мянган ам.доллар хүрдэг учир оролцогчдын тоо жилээс жилд өссөөр энэ онд 10 мянга гаруй загасчин азаа үзсэн байна. -40 хэмд хүртлээ хүйтэрсэн нуурын мөсөн дээр гурван цаг сууж, загас барих ёстой энэ тэмцээний үеэр мөс цөмрөх гэх мэтийн ноцтой осол гэмтэл гараагүй гэнэ. Гэсэн ч энэ ховорхон тэмцээний зургийг авсан гэрэл зурагчид нуурын мөсөн дээр явахдаа багагүй айдастай байсан тухайгаа ярьжээ.