Украины арми “Евромайдан”-д оролцож байгаа сөрөг хүчнийхэн болон эрх баригчдын сөргөлдөөнд ямар ч тохиолдолд оролцохгүй, төвийг сахих болно гэснийг Зэвсэгт хүчний эх сурвалжийг үндэслэн мэдээллээ. Эрх баригчид хэрэв хууль бус тушаал өгөх юм бол арми үүнийг хэрэгжүүлэхгүй. “Энэ бол байж боломгүй зүйл. Цэрэг арми бол гадаадын дайснаас улс орноо хамгаалах үүрэгтэй болохоос биш дотоодын ямар ч сөргөлдөөнд оролцох ёсгүй” гэж Жанжин штабын эх сурвалж хэлжээ.
Үүний зэрэгцээ цэргийн албана хаагчдыг эрх баригчдын болон сөрөг хүчний аль нэг талд нь орж үйл явдалд оролцохыг хоригложээ. “Энэ бол зөвхөн халагдсан албан хаагчдын л хэрэг. Тэгвэл тухайн хувь хүний хэрэг болно” гэж эх сурвалж хэлсэн байна.