Австралийн Дарвинаас дорно зүгт 200 км-т орших Какадугийн үндэсний цэцэрлэгт хүрээлэнд энэ 26-ны өдөр аймшигт явдал болж 12 настай жаал хүүг асар том матар хазаад усан доор орчихсон байна. Цагдаагийнхны мэдээлснээр энд хэдэн хоногийн турш орсон борооны улмаас тогтсон цөөрөмд сэлэхээр хэдэн хүүхэд ирсэн юм байна. Тэднийг сэлж эхэлтэл матар нэг жаалын гараас хазахаар нь арайхийн зугтааж эрэг дээр гартал матар өөр нэгэн жаал руу дайрч хазаад ус руу аваад орсон гэнэ.
Эмгэнэлт явдал болсон газарт байгаль хамгаалагчид ирж хоёр ч том матрыг алсан ч тэдний гэдэснээс жаал хүү гарч ирээгүй байна. Нөгөө жаалын гар дээр үүссэн шархны байдлаас амьтан судлаачид тэр матрыг 2-3 метр урттай том матар байж гэж тогтоожээ. Одоо хүртэл жаал хүүг эрсээр байгаа ч аль хэдийнээ үхсэн байх гэж таамаглаж байна.
Австралид 2004 оноос л матар хүн рүү довтолж жилдээ л 4-5 хүн рүү дайрдаг  бол энэ оны хувьд анхны тохиолдол юм. Ийм тохиолдолд дөрвөн хүн тутмын нэг нь амь алддаг байна.