Сочигийн олимпын үеэр сармис түүхийг хоригложээ. Сармис, олимп хоёр хоорондоо холбоогүй боловч сармис түүх нь олимпын аюулгүй байдалд нөлөөлж болзошгүй гэж Оросын аюулгүй албаныхан үзжээ. Хойд Кавказын нутагт оршин суудаг хүмүүс уулнаас зэрлэг сармис түүх нь элбэг ч сүүлийн үед энэ нь аюултай ажил болоод байгаа юм. Учир нь,  сармис түүж яваа хүмүүсийг Чечений босогчид, хэт даврагсад байна хэмээн андуурч буудаж шархдуулсан, аминд нь хүрсэн хэд хэдэн тохиолдол гарчээ. Тиймээс олимпын үеэр олон нийтийг амар тайван байлгах үүднээс ийм тохиолдол гаргахгүйн тулд сармис түүхийг хориглосон аж.