Ойрхи дорнодын зарим оронд байрны төлбөрөө хийж барахгүйд хүрэхээрээ амьд хүнээр төлбөр хийх явдал өнөө ч байсаар байна. Ливанд дүрвэж очсон сирийн нэгэн айл байрны түрээсийн төлбөрөө төлөх мөнгөгүйн улмаас   14 настай охиноо байрны эзэн 44 настай эрд эхнэр болгон өгөхөд хүрчээ. Охин хижээл эрд эхнэр болж очихыг хүсэхгүй хэмээн уйлж байгаа ч тэднийд үүнээс өөр арга зам байхгүй гэнэ. Ханифа Амар ийм гашуун зовлонг тэвчихгүй гэж байгаа ч эцэг эхийнхээ үгийг дагахаас аргагүй тухайгаа “Гэрийнхнээ түрээсийн байрнаас нь хөөлгөчихгүйн тулд би тэр түрээслүүлэгчтэй суухаас аргагүй. Эс тэгвэл эд маань гудамжинд, майханд л амьдарна шүү дээ. 12 настай дүү минь багтраатай, аав минь зүрхний өвчтэй болохоор яаж гудамжинд гарах вэ дээ” хэмээн ярьж байна.
Охины яриагаар бол  тэр өөрийнхөө үеэлтэй суухаар бодож байсан ч тэр нь Сирийн дайнд амь үрэгдсэн гэнэ. Бас нэг дүү нь механикийн туслахын ажил хийдэг ч түүний олдог  мөнгө нь хүнсэнд нь л арай чарай хүрдэг байна.
Сирийн дүрвэгсдийн амьдрал, ахуй нөхцөл ийм байгааг НҮБ-ын холбогдох байгууллагууд анхааралдаа авч, хүний эрхийг хамгаалагчид Ливан руу хандаж байгаа ч тодорхой ахиц гарахгүй байгаа юм.