ОХУ-ын Сахалинд хувийн хамгаалалтын нэгэн ажилтан Өмнөд-Сахалины гол сүмд дайран орж автоматаар шүршин  хоёр хүний амь хөнөөж, зургаан хүнийг шархдуулсан аймшигт хэрэг гарсан байна.
“Ням гарагт Өмнөд Сахалин, Курилын гол сүмд зэвсэглэсэн этгээд дайран орж ирээд автомат буугаар шүрссэнээр сүмийн ажилтан гэлэнмаа, нэгэн сүсэгтэн хоёр газар дээрээ нас барж, зургаан хүн шархадлаа” гэж орон нутгийн цагдаагийн мэдээлэлд дурджээ.
Гал нээсэн гэмт этгээд хотын нэгэн хувийн компанид хамгаалагчаар ажилладаг хувийн хамгаалалтын байгууллагад 1989 оноос хойш ажиллаж байгаа нэгэн  гэнэ. Гэмт хэрэгтэн зугтаах гэж оролдолгүй хуулийнханд бууж өгсөн байна. Шархадсан хүмүүсийг эмнэлэгт хүргэн гэмт этгээдэд эрүүгийн хэрэг үүсгэн шалгаж эхэлжээ. Шархадсан хүмүүсийн голдуу хөлдөө шарх авсэн гэж хэвлэлийн мэдээнд дурдсан байна.